مارکس پوتزل معاون سیاسی دفتر سازمان ملل در دیدار با سرپرست وزارت تحصیلات عالی طالبان خواستار لغو ممنوعیت دختران از تحصیلات عالی گردیده است.
پوتزل در دیدار با ندا محمد ندیم گفته است که تصمیمات طالبان افغانستان را وارد بحران جدید میکند.
یوناما در توییتی نوشته است که ممنوعیت تحصیل زنان و کار در نهادهای کمک رسان به تمام مردم افغانستان آسیب خواهد رساند.
اقدامات طالبان واکنشهای گسترده داخلی و خارجی را در پی داشت. اما طالبان همیشه از تصمیمات خویش دفاع نموده اند.
به تازگی ندا محمد ندیم سرپرست وزارت تحصیلات عالی طالبان کار، ورزش و تفریح زنان را « بیعزتی » خوانده است و بیان داشته که دولت قبلی و نظام جمهوریت راه اهانت به زنان را هموار کرده بود ولی این گروه راه نظام جمهوریت را ادامه نمیدهد.
