وزارت امور خارجه تاجیکستان با نشر بیانیهی از دیدار توماس نیکلاسون، نماینده ویژه اتحادیه اروپا برای افغانستان با سراجالدین محرمالدین، وزیر خارجه تاجیکستان خبر داده است.
در بیانیهی وزارت خارجه تاجیکستان آمده است که طرفین روز «دوشنبه ۱۵ دلو» درباره وضعیت جاری در افغانستان به گفتوگو و تبادل نظر پرداختند.
بربنیاد بیانیه وزارت امور خارجه تاجیکستان، وزیر خارجه این کشور ضمن ابراز نظر در خصوص روابط اتحادیه اروپا با تاجیکستان، دربارهی چالشها و تهدیدات موجود در افغانستان گفتوگوی سازندهی را با آقای نیکلاسون انجام داده است.
تاجیکستان بعد از تسلط گروه طالبان در افغانستان، همواره در خصوص حضور گروههای تروریستی و تهدیدات بالقوهی مرزی در این کشور ابراز نگرانی نموده است.
همچنین کشور تاجیکستان بعد از تسلط دوباره گروه طالبان در افغانستان این گروه را بهرشمیت نشناخته و میزبان شمار زیادی از مقامات پیشین حکومت و جبهه مقاومت ملی نیز میباشد.
با این حال چندی پیش یک مقام گروه طالبان اعلام داشت که چانهزنیها در خصوص روابط دیپلماتیک میان تاجیکستان و این گروه آغاز شده است.
