محمدیاسین رضایی. ۱۴۰۱/۰۱/۲۲
کمیسیون اقتصادی حکومت سرپرست طالبان به ارگانهای امنیتی دستور داده است که برای جمعآوری قرضهای شرکت برشنا از زورمندان و ادارات دولتی با این شرکت همکاری کنند.
انعام الله سمنگانی، معاون سخنگوی حکومت طالبان امروز (دوشنبه، ۲۲ حمل) در تویتی نوشته است، که کمیسیون اقتصادی طالبان به ریاست ملا برادر، معاون رییسالوزرا این دستور را صادر کرده است.
شرکت برشنا گفته است که پس از سقوط نظام جمهوریت، شمار زیادی از زورمندان و ادارات دولتی قرضهایشان را نپرداختهاند.
به گفته این شرکت، عدم پرداخت قرضها از سوی مقروضان، شرکت برشنا را با مشکل جدی مواجه کرده است.
کمیسیون اقتصادی طالبان در دستور دیگر به بانک مرکزی هدایت داده است تا برای رفع محدودیتهای بانکی بر شرکتهای دولتی یک میکانیسم منظم ترتیب دهد.
